Breadcrumb

Breadcrumb

Eduki publikatzailea

null 26. DATUETAN OINARRITUTAKO JUSTIZIA

26. DATUETAN OINARRITUTAKO JUSTIZIA

Datuak dira egungo gizarteetako baliabiderik baliotsuenetako bat, eta funtsezko eginkizuna dute zerbitzu publikoak administratzeko moduan, eraldatu nahi den edozein agenda publikoren erdian kokatzera helduz.

Datuen analitika sartzeak aukera ematen du herritarren eta gizartearen beharrak hasiera batean ulertzeko, haientzako erantzun egokiak diseinatzeko, politika eta zerbitzu egokiak emateko eta haien lanaren emaitza ebaluatzeko. Azken finean, datuen analisiak eta ustiaketak Justiziaren sektorearen adimena bultzatzeko aukera emango du, eta, horren ondorioz, epe luzera politika eta zerbitzu jasangarriak, inklusiboak eta fidagarriak garatuko ditu.

Eredu berriak informazio garrantzitsua emango die askotariko eragileei erabakiak hartzeko, harremanak bultzatuz Justizia sistemaren barruan nahiz kanpoan, ahaleginen elkartzea sustatuz eta, azken batean, adostasuna sustatuz.

Sistemaren erdian herritarrak kokatuko dira, Justizia Zerbitzu Publikoaren hartzaile nagusiak diren aldetik, gardentasuna bermatze aldera. Gainera, informazio garrantzitsua emango die Justiziaren kudeatzaile publikoei, eta, horri esker, erabakiak hartu ahal izango dituzte legegintza-politika egokiak planifikatzeari, garatzeari eta ebaluatzeari buruz, bai eta egiturazko antolamenduari eta plangintzari buruz ere.

Bestalde, sistemak eragile guztiei lagunduko die (epaileak, fiskalak, Justizia Administrazioko abokatuak, abokatuak, prokuradoreak, gizarte-graduatuak eta Justizia Administrazioan lan egiten duten gainerako pertsonak), eta Justiziaren kudeaketaren barne-ikuspegia eskainiko du, bere eskaerei azkar eta erraz erantzuteko informazio-sistema baten bidez, eta, aldi berean, lana sinplifikatu eta sistematizatzeko aukera emanez.

Era berean, sistema hori gainerako sektore publikoaren eskura jarriko da, Justiziaren eremuarekin zuzeneko loturarik ez duena; izan ere, Justiziaren sektorean dauden joerak eta ondorioak hobeto ulertzeak erraztu egingo die beren politika publikoak definitzeko prozesuan erabakiak hartzea, elkarrekin lotuta dauden alderdiei dagokienez.

Itzuli zerrendara