Breadcrumb

Breadcrumb

Eduki publikatzailea

null 4. SARBIDEA ETA GARAPEN PROFESIONALA

4. SARBIDEA ETA GARAPEN PROFESIONALA

Aldaketa horiek, pandemiaren ondorioekin batera, aldatu egin dituzte lan-baldintzak eta lan egiteko modua. Telelanak, esate baterako, bertaratze-irizpidetik helburuak betetzera igarotzea dakar.
Profil profesionalen azterketa egin behar da, sarbide eta garapen profesionala birbideratzeko, bai Justizia Administrazioko langileek okupatzen dituzten profiletan, bai Justizia Administrazioan lan egiten duten Estatuko Administrazio Orokorreko langileek okupatzen dituztenetan. Azterketa prospektibo bat egingo da, 2030. urtera begira, eta liburu zuri batean amaituko da, hortik aurrera pixkanaka ekintzak ezartzeko.

Azterlan horretan ondokoak sartu behar dira:

  • Profil berriak. Adibiderik esanguratsuena da Eztabaidak konpontzeko bitarteko egokiak Justizia Administrazioan sartzea, dinamika berriak sortu eta eremu profesional berriak irekitzeko.

  • Egungo profil profesionalak aldatzea. Digitalizazioak honako hauek dakartza: telelana, epaiketa telematikoak, bertaratzea eskatzen ez duten kudeaketa prozesaleko sistemak, ahozko judizioak, etab. Gaitasun digital berriak, komunikaziokoak eta prozedurakoak eskatzen dituzten jarduerak. Lanbide-eraldaketak prestakuntza-babes argia eskatzen du.

  • Kalitate-adierazleak sartzea. Kalitate-zigilu bat garatuko da (21. proiektua. Kalitate-sistema), kudeaketa-garaietatik hasi eta erabiltzaileen asebetetzeraino doana, ingurumen-eraginetik pasatuta. Kalitatearen ikuspegia zabaltzen da Estatuko Administrazioa eraldatzeko prozesuaren testuinguruan. Kalitate-esparru horrek lan-jarduna neurtzeko adierazleak ematen ditu, bai kuantitatiboak (ebatzitako espedienteak, arreta emandako pertsonak, kudeatutako hitzorduak, erabilitako baliabide materialak, ingurumen-eragina eta abar), bai kualitatiboak (gai berari buruz berriro galdetzen ez duten pertsonak, ebazpen argiak, instantzia irakurgarriak, erabiltzaile-esperientzia eta abar).

  • Lanbide juridikoetan sartzeko sistemak hobetzea. Eragileen sarbide-sistemak eraldaketara egokitu eta horren irisgarritasuna bermatu behar dute. Sarbiderako prestakuntzatik (neurri handi batean, urrunetik egingo dena) sarbide-sistemetaraino.


  •  

Itzuli zerrendara