Breadcrumb

Breadcrumb

Eduki publikatzailea

null 1. SARBIDE UNIBERTSALA

1. SARBIDE UNIBERTSALA

Bizi garen krisi garaian, ahalegin handiagoa egin behar du Justizia Administrazioak, sarbidea ziurtatzeko eta inor ez baztertzeko.

Sarbidea bi norabidetan sustatuko da, eskubideak indartuz eta horien erabilera ziurtatuz. Bi lan ildo horiek bi azpiproiektutan gauzatzen dira:

1.    Doako Laguntza Juridikoaren eta Ofiziozko Txandaren sistema eraginkorra, haren aplikazio eremua zabaldu eta haren kalitatea bultzatzeko. 

Ahalegin hori egiturazko hobekuntza bihurtu behar da. Alde batetik, Eztabaidak konpontzeko bitarteko egokiak (MASC) sartzea, ofiziozko txandaren eta orain arte eremu judizialari soilik lotuta zeuden doako justiziaren zati gisa.

Bestetik, kalitate eredu bat ezartzea, profesionalek ematen duten zerbitzua hobetzeko. Prestakuntza, sarrera eta ordainketa sistema egokia bermatuz. Kalitatea bultzatzen duen pizgarri-sistema bat zehaztuko duen eredua.

Azkenik, beharrezkoa da pertsona juridikoek doako justiziarako duten sarbidea berrikustea eta kontrol-mekanismoak sartzea, okerreko sarbideak saihesteko. Doako justiziak ahulenetan jarri behar du arreta.

2.    Defentsa-eskubideari buruzko legea. 

Defentsa-eskubidea funtsezko oinarria da gure Justizia-eredua eratzeko, eta Konstituzioaren 24. artikuluan onartzen da. Prozesu judizial batean parte hartzen duenari laguntzen dioten berme eta ahalmen juridikoen multzoa biltzen du, bere interes legitimoak eraginkortasunez defendatzeko eta, beraz, babes judizial eraginkorrerako eskubidea betetzeko. Ezinbesteko tresna da defentsa-gabezia saihesteko eta prozesuaren alderdien arteko benetako berdintasuna bermatzeko.

Horren edukia mugatzen duen araudia sakabanatuta dago, eta horrek zaildu egiten du osorik ulertzea eta eskubidea erabiltzea. Beharrezkoa da lege-testu berean eskubide horrek biltzen dituen alderdi guztiak jasoko dituen arau koherente eta integrala sortzea. Defentsarako Eskubidearen elementuak arautzen dituen legea, eragile juridikoen jardun profesionalari, prozeduren tramitazioari eta herritarren Justiziarako sarbideari eragiten diona.

Testuak eremu deontologiko bati heldu behar dio, abokatutza erabiltzeko mugak bermatuz; eremu prozesal bati, defentsarako eskubidea bermatuz prozesu judizial osoan; eta laguntzako eremu bati, doako laguntza juridikoa eta ofiziozko txanda gehituz.

Itzuli zerrendara